موقع المستقلين الاحوازيين

الشاعر ابو امجد الحيدري


الشاعر ابو امجد الحيدري

🌸🌸جواب القلَم🌸🌸

علينه ايكذّب التاريخ
ماظنـّه انّكر يـانـاس
مـاضـيـنه

واذا ناسي اذكرنّه
اشوبعـده الورق
ماله
حَمرمن دم اهالينه

يتاريخ الزمان
اشلون تنكرنه
واحنه البل كرم
تشطرصوانينه

وعجيبه !
اشلون گلبك
طاوعك وانسيت
رفل اكحيلنه
ولمعت مواضينه

وعجيبه!!!
اعليٓ اليالي
اشلون تِنسينه

انْمَحيَ ذچرالنشامه
وضـایع الـعنـوان
ولَعَب بینه الوکت
مِن شاف خملینه

اثاری الوکت یتحسَٔد
چیٖ احنه عشگـنه
اُمْ المعالی ابشوگ
وابحبهه تغذٔینه

وچیٖ اهیه أعْرفتنه
بس علینه اتلوگ
مُهرتنه اعلیَ اسمهه
وحنًـت اعلـینه

وچیٖ الله الکریم
الخـالق الجَبّـار
عاف الاُمم کلهه
والتفت لیـنه

مو الله عَلیمْ
وعالِم
ویدریٖ
مِن غیرالعرب
مایرتفع دینه

وثبت دینه
وصَعَدللباریٖ
بلْ معراج هادینه

وثبت دینه
وجاب النه
کتاب البیه
من البطل
وامن الجهل
ینـجـیـنـه

وگال العرب
بین الناس کلهه
اعزاز
وگام اعلی العدل
والحگ
یدلینه

وعشنه احرار
فترة اقرون متوحدين
ابْوَحدتنه اعليَ كل الناس
حكمينه

اوساوينه الخلَگْ‌‌
بل کون لاظالم
ولامظـلـوم
وللدنیه ابعدالة
حيدرالكرار
ضوّيـنـه

ولعَبْ بينه الوكت
من شاف خملينه

وابليس احتزم
واعتزم
ليل انهار
وشتغلت شياطينه

وجَّد ذرّة ضُف
بينه
وعمـَل بينه
اشعمل بينه

خلّانه انْتِفاخَر
بلْ ابو والجد
والف مَرّه
تلَمْلَمْنه وتِبدينه

ونسينه ادروبنه البيهه
الكريم الكان يوصينه
اشيوصينه
(وَاعتَصِمُوابِحَبْلَ الله جَميٖعاً وَلاتَّفَرقوا)

مافاد الينادينه
وطروادي الجهاله
وسـارحـاديـنـه

هذيچ الناس
گامت عل گمرتمشی
واحنه اعلی البیارق
بلجهل چیلات
رزینه

هذیچ الناس
گامت تصعد
المـرّیـخ
واحنه اهناه
علَی ازیان الفواتح
هل تگاضینه

هذیچ الناس
ملتهیه ابعلمهه
وکل صباح ایزود
واحنه اسنین
لاهین ابنهاوینه

کافی الجهل
کافی الحقد
کافی الفصل
کافی الثار
مو؛؛ من الهظم
والعار ملینه

وحگ الله
فتن هاذه فتن
من زمرة الشيطان
حد يمتيَ الجهل
ياناس غاطينه


ماشفتو اليضدنه
اشلون
يصْنع من عملنه
افلام
لهله
وايضْحَك اعلينه

او ماشفتواليضدنه
اشلون !!!!!
يكتب كلشي اليريده
وهابيّه يعدنه
وظل يسمّينه

جَـواب القَـلَـمْ
لازم بلْ قلَم
ننطيه
وساعات الِمْزامط
الله يـدرينـه

حداليوم
لندن
ترجف امن الخوف
لوواحديجيب
احذاهه طارينه

وچرچیل
ابوسط گبره
ورگبته امن الوَجع
تاذیه
من مگوارنه
وطگت جناوینه


احنه
خلفت الکرار
موعیب وهظیمه
ابهل شکل یاناس
ذلیـنـه

خلْ ننسه المضه
ونتوحد امن اردود
وندگ الساس
وانعلّیٖ مبانینه

وخلّو امخدرات السلف
ینسرّن
وبلْ طیبات
خل تـٍرْبِع مـحارینـه

اِلْحِمِلْ
لوما هله اتشیله
لتظن الغریب
ایسرفن الضرعان
وایعینه
لتظن الغریب
ایسرفن الضرعان
وایعینه